Autoriteti Shtetëror për Informacionin Gjeohapësinor (ASIG), në rolin e autoritet publik përgjegjës për temën ”Ortoimazheria”, ka prodhuar dhe publikuar në Gjeoportalin Kombëtar shtresat:

• RGB 2025 Ortofoto Satelitore;
• CIR 2025 Ortofoto Satelitore;
• Mbulesa Ortoimazherike (Viti 2025).

Ortofoto  Satelitore 2025 dhe Ortofoto Satelitore CIR 2025 mbulojnë 92% të territorit të Republikës së Shqipërisë nga imazhet satelitore të mbledhura gjatë periudhës 05 Maj 2025 deri në 28 Korrik 2025. ASIG krijoi Ortofoton Satelitore 2025 nga mozaikimi i imazheve satelitore të ortorektifikuara me rezolucion 50 cm/pixcel bazuar në shtresën e gjurmës (footprint) së imazheve satelitore.

Mbulesa Ortoimazherike ofron informacion mbi specifikat teknike të ortofotos në formatin RGB dhe CIR, periudha kur është fotografuar zona etj.