Autoriteti Shtetëror për Informacionin Gjeohapësinor (ASIG) në bashkëpunim me Institutin Kombëtar të Trashëgimisë Kulturore (IKTK), ka publikuar në Gjeoportalin Kombëtar për temën “Zonat e mbrojtura”, informacionin gjeohapësinor për shtresat:
- Zonat e mbrojtura të trashëgimisë kulturore (Pikë);
- Zonat e mbrojtura të trashëgimisë kulturore (Poligon).
Këto shtresa përmbajnë zonat e mbrojtura të trashëgimisë kulturore që përfshijnë qendrat historike dhe zonat e tyre të mbrojtura si dhe zonat arkeologjike të ndara sipas kategorive "A" dhe "B", duke u bazuar në intensitetin e pranisë së gjurmëve arkeologjike dhe zonat e mbrojtura të monumenteve të veçanta.
