Në Gjeoportalin Kombëtar të Autoriteti Shtetëror për Informacionin Gjeohapësinor (ASIG), është publikuar informacioni gjeohapësinor për shtresën “Zjarret”, të temës: “Zonat me rreziqe natyrore”.

ASIG në bashkëpunim me Agjencinë Kombëtare të Mbrojtjes Civile (AKMC), e cila është autoriteti publik përgjegjës për temën “Zonat me rreziqe natyrore”, ka bërë të mundur publikimin e shtresës “Zjarret”. Informacioni i vënë në dispozicion nga AKMC është siguruar nga raportimi i prefekturave në Qendrën Kombëtare Operacionale të Emergjencave Civile.

Në këtë shtresë mund të gjeni informacion mbi zjarret që kanë ndodhur në territorin e Republikës së Shqipërisë gjatë periudhës Janar-Gusht 2022.

Të dhënat janë konform standardit të miratuar me VKM-në nr. 810, datë 21.10.2020, për miratimin e dokumentit “Standardet Shtetërore për Specifikimet Teknike të Informacionit Gjeohapësinor në Shqipëri - Tema: "Zonat me Rreziqe Natyrore”.

https://geoportal.asig.gov.al/map/?fc_name=zonat_me_rreziqe_natyrore_zjarret&auto=true