Në Gjeoportalin Kombëtar të Autoriteti Shtetëror për Informacionin Gjeohapësinor (ASIG), është publikuar informacioni gjeohapësinor për shtresën “Zjarret ”, të temës: “Zonat me rreziqe natyrore”. Informacioni i publikuar është realizuar në bashkëpunim me Agjencinë Kombëtare të Mbrojtjes Civile (AKMC), e cila është autoriteti publik përgjegjës për temën “Zonat me rreziqe natyrore”.
Në shtresën “Zjarret (2023)” mund të gjeni informacion mbi zjarret që kanë ndodhur në territorin e Republikës së Shqipërisë gjatë periudhës Janar-Dhjetor 2023.
Të dhënat janë konform standardit të miratuar me VKM-në nr. 810, datë 21.10.2020, për miratimin e dokumentit “Standardet Shtetërore për Specifikimet Teknike të Informacionit Gjeohapësinor në Shqipëri - Tema: "Zonat me Rreziqe Natyrore”.
