Në zbatim të Ligjit Nr. 81/2017 "Për zonat e mbrojtura" Tërësia e zonave të mbrojtura natyrore përbën sistemin kombëtar të territoreve të mbrojtura, të shpallura me anë të legjislacionit të veçantë. Në kategorizimin e zonave të mbrojtura natyrore dhe në përcaktimin e statusit për secilën prej tyre, institucionet përgjegjëse në Republikën e Shqipërisë mbështeten në kriteret e Unionit Ndërkombëtar të Ruajtjes së Natyrës (IUCN). Ministria, në bashkëpunim me AKZM-në, bashkërendon punën për ngritjen dhe administrimin e sistemit kombëtar të zonave të mbrojtura. Zonat e mbrojtura natyrore shpallen me vendim të Këshillit të Ministrave, me propozimin e ministrit përgjegjës për zonat e mbrojtura. Gjithashtu janë përditësuar Zonat e mbrojtura, Peizazh Tokësor e Ujor i Mbrojtur (PM), kategoria 5, të shpalluara me Vendim KKT Nr.10 Dt.28.12.2020. Gjithashtu është ndryshuar statusi dhe sipërfaqja e zonës së mbrojtur Lumi Vjosa nga "Park Natyror" në "Park Kombëtar", me VKM-në nr. 155, datë 13.03.2023 "Për shpalljen e ekosistemit natyror të lumit Vjosa "Park Kombëtar'", kategoria II e Zonave të Mbrojtura. Përditësuar së fundmi zonat e mbrojtura: Pishë Poro-Nartë (bazuar në VKM Nr. 596, Dt.25.09.2024), Bredhi i Drenovës-Sinicë (bazuar në VKM Nr. 594 Dt. 25.09.2024), Lumi i Bunës-Velipojë (bazuar në VKM Nr. 593 Dt. 25.09.2024), Bjeshka e Oroshit (bazuar në VKM Nr. 598 Dt. 25.09.2024), Kuturman-Qafë Bushi (bazuar në VKM Nr. 590 Dt. 25.09.2024), Guri i Nikës-Valamarë-Lenie (bazuar në VKM Nr. 591 Dt. 25.09.2024), Krastë-Verjon (bazuar në VKM Nr. 595 Dt. 25.09.2024), Rrushkull (bazuar në VKM Nr. 589 Dt. 25.09.2024), Bisht Kamzë (bazuar në VKM Nr. 592 Dt. 25.09.2024), Liqeni i Pogradecit (bazuar në VKM Nr. 597 Dt. 25.09.2024), bazuar në VKM-të përkatëse miratuara gjatë vitit 2024.

Të dhënat janë konform Standardit Shtetëror për Specifikimet Teknike të Informacionit Gjeohapësinor në Shqipëri –Tema: Zonat e mbrojtura, të miratuar me VKM- në nr. 891, datë 18.11.2020.